Anigit
Vandring
Nunaqarfinniit illoqarfinniillu nunap timaani tatsit qaqqat imarlu tikikkuminartuupput. Kalaallit Nunaanni pisummik angalaassaguit, nunap assinga sumiissusersiullu puigussanngilatit, imaluunniit misilittagalimmik angallassisoqarit.
Club Timmisamut ilaasortanngorit
Club Timmisami ilaasortanngorputit
Maannakkut isertarfikkut isissuutit teqeqqup talerpiata tungaaniittoq toorlugu, atuisutullu nutaatut profililiorlutit.
Kode isissutissaq allanngortiguk
Emailimik allagarsiumaarputit, kode isissutissavit allanngortinnissaanut atungassat.
Send
Emaili nassaarisinnanngilarput
Angalanissat ilannguguk
Inniminniinernut normut arfinilinnik ilisarnaateqarpoq, kisitsisinik naqinnerinnillu imaqarsinnaaluni
Tilføj
Ilulissani misigisassat
Allaanerulluinnartunik misigisassanut tikilluarit. Sumi allami aput, siku, qaqqat, imaq arferillu narsaatit qorsuusut naatsiianik naatitsiffiusut qanittuaniippat? Nutaanik pissanganartunik misigisassarsiorit uani.
Ilulissat qulaanngaanniit
Air Greenlandip neqeroorutaasa ilagaat Ilulissani qulimiguulimmik takornariartitsineq - illit aamma assit immikkuullarissut pigilersinnaavatit.
ILISIMAVIUK?
-
Ilulissat illoqarfiat Kalaallit Nunaanni takornariartitsinermi qitiusumik inissisimasoq umiarsuarsuillu takornariartaatit taliffigissallugu kajungerigaat -
Air Greenlandip suleqataa ’World of Greenland’ angalanissanik assigiinngitsunik arlalissuarnik neqerooruteqartoq
-
Ilulissat kangerluanni sermeq iigartartoq qulaallugu qulimiguulimmik angalaneq, seqernup kaaviinnalernerani unnuami immakkut angallammik angalaneq Eqimilu iigartartumik sermilimmi illuaqami unnuineq aasaanerani alianaannerpaanut ilaasut
-
Akunnittarfik pitsaassusaa sisamanik ullorialigaq Hotel Arctic - ataatsimeersuartitsinissamilu periarfissanut immikkut ullorialigaq – nunarsuarlu tamakkerlugu politikerinit-, niuertunit-, ilisimatusartunillu naapeqatigiiffittut iluarineqartoq
-
Schweizimio illussanik titartaasartoq tusaamasaq Peter Zumthor Ilulissat kangerluani takornariarfissamik titartaalluni unammisitsinermi ajugaasuusoq
-
Nakkaavimmik oqaluttuatoqqat naapertorlugit pissaaleqinerup nalaani utoqqaat ilaqutariinnut artukkiiumanatik qunnermut imminnut igittarsimasut
PAASISSUTISSAT
Kalaallit Nunaanni illoqarfiit annerit: pingajuat
Qallunaatut Jakobshavn-imik taaneqartarpoq
Inuttaassusaa 4.600
Tunngavilerneqartoq: 1741
Sisamanik nunaqarfeqarpoq
Diskomi illoqarfik annersaat
Ilulissani unnuiffissat
Ilulissani unnuiffissat amerlapput. Uani ilai katersorsimavagut.
Hotel Arctic
Hotel Arctic er verdens nordligste 4-stjernede hotel med et 5-stjernet konferencecenter. Lige på kanten af den UNESCO-fredede Ilullisat Isfjord.
Læs mere
Glacier Lodge Eqi
Eqi-gletsjeren ligger omtrent 80 km nord for Ilulissat i den nordligste del af Diskobugten, og det er kun muligt at komme hertil med båd eller helikopter. Når du bestiller et ophold ved Glacier Lodge Eqi, starter din oplevelse således med en enestående tur!
Læs mere
Igloo Lodge
Igloo Lodge er placeret ca. 15 kilometer inde i Ilulissats bagland. Det lyder måske ikke af meget, men med det uberørte og vilde terræn uden veje, er transporten et eventyr i sig selv.
Læs mere
Tikiffissat allat
Nunarput tupinnartunik, kusanartunik alutornartunillu ulikkaarpoq. Tikiffissat tullia uani nassaariguk.
Nuuk
Illoqarfissuaq, illorsuit, ilorrisimaarnartoq, kulturi, rocki, neriniartarfiit nerisassanik mamarsakkanik sassaalliisartut, kaffisorniartarfiit, atisanik nutaalianik pisiniarfilik, eqqumiitsuliat, nuna tamakkerlugu katersugaasivik Ilisimatusarfillu.
Ilulissat
Sermip iigartarfiata eqqaaniilluni iluliarsuit ataqqinarpasillutik sarsuasut isiginnaarlugit inuuneq pitsaanerpaaffissaminut qaffakaattutut ilisarpoq. Ilulissat kangerluat tupinnanngitsumik Unescop nunarsuatsinni eriagisassatut kingornussat nalunaarsuiffiannut ilanngunneqarnera tunngavissaqarluarpoq.
Sisimiut
Sisimiut illoqarfimmut nutaaliaasumut assersuutissaavoq, eqqaa inunnit silaannarissumiikkusuttunit timikkullu imminnut unammillerusuttunit ornigarneqarluartoq.
Aapilattoq (Upernavik)
Aappilattoq Kalaallit Nunaata kitaani nunaqarfiuvoq, Upernavimmik pigineqartoq.
København
København, Qallunaat Nunaanni illoqarfiit pingaarnersaat, kulturi, inuit biilerpassuillu. Mittarfimmiit nunap qaagut iluatigulluunniit qimutsuitsorlutit illoqarfiup tillernera malugiuk.
Ikerasak
Isortoq
Isortoq Tunumi Tasiilamit 100 km-it missaannik kippasinnerusumiippoq Ammassallillu nunaqarfiinit minnersaallunilu kujasinnersaavoq. Sermersuarmik qarsutsisunut Isortoq immikkooruteqarluinnartuuvoq.
Ittoqqortoormiit
Illoqqortoormiut illoqarfiat timmisartumiit alakkaruk, illullu qisunnik sanaat kusanartut ersarissunik aappalaartunik tungujortunillu qalipaatillit siammarsimasut takukkit. Illoqarfik nunalu allanngutsaaliugaq ataatsimoortut, ileqqutoqqat, kulturi pinngortitarlu nalissaqanngitsut.
Kangerlussuaq
Kangerlussuaq mittarfiinnaanani allarpassuarnik periarfissaqarpoq. Timmisartumit niugussi pinngortitaq saassinniippoq. Tassani sermersuup iigartarfissua ajornannginnerusumik qanillattorsinnaavarsi.
Kangersuatsiaq
Kangersuatsiaq Upernaviup kujataani inissisimavoq ungasissuseqarluni miss. 56 kilometerinik nunaqarfippassuanilu qaninnersaalluni Upernavimmut. Ilisimaneqaatigivaa kusanassutsini paarilluakkallu illut.
Kullorsuaq
Kullorsuaq pilersinneqarpoq 1928-mi atserneqarlunilu qaqqaq nunaqarfiup eqqaaniittoq malillugu, kullorujussuangasoq. Piniarneq aalisarnerlu inuutissarsiutit pingaarnersaraat pingaartumi puisit, qilalukkat qernertat qaqortarlu pisarineqartartut.
Kulusuk
Kulusuk Ammassallip eqqaanni nunaqarfeerannguaq Tunumut isaariaavoq. Qeqertaaqqami innuttaasut taakku aalisartuusut piniartuusullu takornarissanik sungiussilluarsimasuupput inussiarnersuullutillu.
Kuummiut
Kuummiut tunumi Kalaallit Nunaanni kusanarnerpaat ilaanni nunami inissisimavoq. Nunaqarfinni tunumiittuni kisiartaalluni aalisakkeriveqarpoq, peqqutaaqataasunut peqqutaapput, ukiakkut talittarfik sikuneq ajormat.
Maniitsoq
Maniitsoq pinngortitamik sisorarnermillu nuannarisalinnut alianaalluinnartuuvoq. Illoqarfik qeqertamiittoq qeqertanullu allanut siammarsimasoq ikaartarfeqartitserpoq.
Nanortalik
Ilungersunartorsiorfiusumi eqqissisimasinnaavit? Nanortalik siooragisaqaratik qaqqasiortartunut, qajartortartunut nunakkullu pisuttuartartunut ornigannaajuvoq, immaqalu nannumik naapitsiffiusinnaalluni.
Narsaq
Qaqqarsuup ataani ippoq illoqarfik Narsaq, ukiorpassuunngitsut matuma siorna tunngaviligaq narsaarsuarmilu qorsooqqissumiimmat, Kujataani angalanissami aallaavigissallugu iluartoq.
Narsarsuaq
Mittarfimmiit km-it qulaaluaannaat ingerlagaanni sermersuaq tikittariaqarpoq. Iigartartumut qannguluttumut pisuttuarit imal. Erik Aappalaartup naasorissaasup illuliaani takisuumi qallunaatsiat qanillikkit.
Niaqornat
Niaqornat Nuussuup sineriaani avannamut inissisimavoq, Uummannap kangerluata naanerani Diskobugtimut. Inuttaasut inuuniuteqarput piniarnermik aalisarnermillu assigiinngitsorpassuarnik.
Nuussuaq (Upernavik)
Nuussuaq avannaata kitaani inissisimavoq qeqertaasami Nuussuarmik atilimmi 200 kilometerit missaani Upernaviup avannaaniilluni.
Paamiut
Illoqarfik Paamiut Nuup kujataaniippoq, Kalaallit Nunaanni illoqarfiit ikittuinnaat sissamit sioralimmiit sermersuarmut isikkiveqarmata, aasami onissallugu kajungernartuuvoq.
Pituffik (Thule)
Pituffik (Thule Air Base) amerikkarmiut sakkutooqarfigaat, tassaniinneq akunninnerlu immikkorluinnaq ittunik maleruagassartaqarpoq.
Qaanaaq
Qaanaaq Kalaallit Nunaanni illoqarfiit avannarlersaraat. Immap tungaanut sivinganermiilluni Kalaallit Nunaanni illoqarfinnut allanut assingunngilaq. Aqquserngit narlusuut akornini illut tulleriiaarlutik inissisimapput.
Qaarsut
Nunaqarfimmut piviusumut takornariaritsi imal. Qaarsunit aallaaveqartumik Uummannami misigisassarsioritsi avannarparternerullusiluunniit angalagitsi. Oqaluttuarisaaneq inuillu kulturiat soqutigigussigik Qilakitsoq takornariarsiuk.
Qaqortoq
Kujataani illoqarfiit pingaarnersaat, inuusuttut ilinniarfiat, taaguummik ”Kalaallit Nunaanni illoqarfiit alutornartut alianaannerpaallu ilaannik” ilisarnaatilik.
Reykjavik
Qeqertaq innermik anitsiviusartoq kissartunik puilasulik, tissaluttulik, sermimik iigartartulik qorlortorsualillu. Illoqarfik Reykjavik ulloq unnuarlu pisoqarfiusaqaaq.
Saattut
Saattut nunaqarfeeraavoq, 26 kilometerinit avannarpasissuseqarluni Uummannamiit.
Saqqaq
Saqqap seqernup saqqaagaaniinneq ateqaatigaa, taamalu atserneqarsimanera piaarinaatsoornerinnaanngilaq, Kitaanimi nunaqarfinnguaq taanna Qeqertarsuup Tunuani Ilulissanit 100 km-it missaannik avannarpasinnerulluni qeqertaasap Nuussuup kujataa tungaaniippoq.
Savissivik
Qimusseriarsuup avannarpasissuani sinerissami nunaqarfik inissisimavoq ateqartoq Savissivik qeqertamiilluni, ungaluneqarsimasutullusooq sermersuarmit illuni, imarpissuarmut sammilluni.
Sermiligaaq
Nunaqarfik Sermiligaaq kusanaqisumiippoq qeqertaasami Kalaallit Nunaata tunuani 100 kilometerini avannaaniilluni Tasiilap. 200 sinnulaarlugit inoqarpoq isumalluutaavoq piniarneq aalisarnerlu.
Siorapaluk
Sioarapaluk avannarpasinnersaavoq ’ilumoortoq’ nunaqarfik Kalaallit Nunaanni – Nunarsuarmimi tamani, amerlasuut isumaat malillugu. Taamaallaammi mittarfeqarfiit sakkutooqarfiillu inoqartut avannarpasinnerupput.
Tasiilaq
Tasiilaq Kong Oscar Fjord-ip sinaani qaqqap innaani qaqqarsuarnit qutaarluusunit qaavi aputaajuitsunit unguneqarsimalluni inissisimavoq. Taanaannarluunniit pissutigalugu illoqarfik takornariagassaqqissuuvoq.
Tasiusaq (Upernavik)
Nunaqarfik avannaaniittoq kujataaniittup aapparaa ateeralugu, Tasiusaq, Upernavimmiit avannamut 71 kilometerinik ungasitsigisumiilluni Qaasuitsup Kommuneaniilluni.
Tiniteqilaaq
Tiniteqilaaq Ammassalik qeqertaasa tallimaasut ilagaat nunaqarfik. Nunaqarfik Ikasativaq-kangerluata illuatungaaniippoq Sermiliup tungaanut, tunumi sermersuaqarfiusumut.
Upernavik
Upernaviup eqqaata untritilinnik qeqertaqarnera feeriarnermi qajartornissamut naleqqulluinnartuuvoq. Tamanna anorimut oqquuvoq, qatsunngarittarluni pinngortitarlu nalissaqanngilluinnartuulluni. Nunaqarfiit aqqusaartorlugit qajartorsinnaavusi. Juuli-miit aggustimut innuttaasut tikilluaqqusisaqaat. Juuni qaammat aatsaat siku aakkiartulersarpoq.
Upernavik Kujalleq
Upernavik Kujalleq, siusinnerusukkut danskisut ateqartinneqarsimavoq ’Søndre Upernavik’, kujasinnerpaajusoq Upernaviup qeqertarpaani.
Uummannaq
Isit isigisut tarnerlu misigisanik ulikkaartoq apeqqutaallutik Uummannaq Kalaallit Nunaanni sumiiffiit pinnernersaattut inuit ilaannit nalilerneqartarpoq. Illoqarfimmut qaqqarsuup uummatitut ilusillip killinganiittumut tikilluaqqusivugut.
