1912

Piujuartitsineq

Piujuartitsinissamut periusissialiorsimavugut, tassani FN-ip Nunarsuarmi Anguniakkat 17-it aallaavigaagut, taakkunanngalu anguniakkat immikkut tallimat ukkataraavut:

  • 4, Ilinniartitaaneq pitsaassusilik
  • 9, Suliffissuit, nutaaliorneq attaveqaasersuutillu
  • 12, Akisussaassuseqartumik atuineq tunisassiornerlu
  • 13, Silap pissusia suliniuteqarfigalugu
  • 17, Suleqatigiinnikkut anguniagaqarneq

Qulaani allassimasut tallimat aallaavigissallugit toqqarpavut isumaqaratta taakku suliassat iluini nunatsinnut inuiaqatigiinnullu pitsaanerpaamik sunniuteqarsinnaassalluta.

Ataani periusissiatsinni anguniakkavut anguniarlugit suliat suut aallartissimanerigut atuarsinnaavatit.

Uagut anguniakkagut

Microsoftteams Image (14)

VM 4: Ilinniartitaaneq pitsaassusilik

Air Greenlandip ukiut 60-it kingulliit ingerlanerini inuit 1000-it sinnillit ilinniagaqartilersimavai. Taakku ullumikkut suliffeqarfimmut suli ilaapput, imaluunniit suliffeqarfinni allani inuiaqatigiinni ineriartornermut tunniusseqataallutik.

Læs mere
Microsoftteams Image (11)

VM 9: Suliffissuit, nutaaliorneq attaveqaasersuutillu

Air Greenlandip nuna tamakkerlugu angallanneq ukioq naallugu qulakkeertarpaa. Umiarsuit ukiukkut sikoqarpallaarnerani talittarfinnut tulassinnaanngikkaangata suluusalinnik timmisartuussisarpugut qulimiguulinnillu aamma miffigisinnaasatsinni kiffartuussisarluta.

Læs mere
Microsoftteams Image (12)

VM 12: Akisussaassuseqartumik atuineq tunisassiornerlu

Air Greenlandimit piujuartitsisumik takornariartitsinermut ineriartortitseqataarusuppugut. Tamanna piujuartitsinermik ingerlatsineruvoq aammalu nunap pissarititaanik atorluaanermiilluni.

Læs mere
Microsoftteams Image (15)

VM 13: Silap pissusia suliniuteqarfigalugu

Air Greenlandimi silap pissusianut sunniinerput eqqummaariffigisorujussuuarput. Tunisassiornitta avatangiisinut mingutsitsinnginnerpaaffimminiinnissaa ujartortuaannarparput, aalajangigassanullu nutaanut aajangiissagaangatta piujuartitsineq pingaartinneqartarpoq. Tamanna aamma pivoq qulimiguulimmik nutaamik B212-itsinnik taarsiutissanik toqqaasussanngoratta. B212-iutivut nunatsinni 1980-ikkunnili angallassisarsimapput. Taartissatut EC155 toqqarneqarput, taanna sukkaneruvoq orsussamillu annikinnerusumik atuisarluni.

Læs mere
Microsoftteams Image (13)

VM 17: Suleqatigiinnikkut anguniagaqarneq

Suliffeqarfissuaq Air Greenland inuiaqatigiinni ineriartornermi pingaarutilimmik inissisimavoq. Inuiaqatigiinnut pitsaasumik ineriartornermut akisussaassuseqartumillu ineriartortitsinermut piffimmi najugaqarlutik suliaqartut, inuussutissarsiornermik suliaqartut, pisortat kattuffiillu kajumissutsiminnik suliaqartartut qanimut suleqatigalugit.

Læs mere